Sacramentarium Gregorianum

_________________________________________________________

69.

Feria iiii ad sanctum Marcellum

Sanctificato hoc ieiunio deus tuorum corda fidelium miserator inlustra, et quibus deuotionis praestas affectum praebe supplicantibus pium benignus auditum: per.

Super oblata. Annue misericors deus, ut hostias placationis et laudis sincero tibi deferamus obsequio: per.

Ad completa. Caelestis doni benedictione percepta supplices te deus omnipotens deprecamur, ut hoc idem nobis et sacramenti causa sit et salutis: per.

Super populum. Adesto supplicationibus nostris omnipotens deus, et quibus fiduciam sperandae pietatis indulges, consuetae misericordiae tribue benignus effectum: per.