BIBLIOTHECA AUGUSTANA

Anonymus Tegernseensis

floruit ca. 1050/80

Ruodlieb

ca. 1050/80

________________________________________________________________

Ruodlieb

ca. 1050/80

Fragmentum XIII (XI)

f.27r

. . . . . . . . . scabit, q(ui)a n(on) pilus unus ibi sit.

Quod tam nemo vafer sit, qui discernere possit,

Clericus an mulier inberbes an esset alumnus,

Est tam iocunde tam virginee faciei.

5

Dum se tondebant sordes limphaque lavaban(t),

Exierant butinam. Lavacralem mox sibi laenam

Scutifer inposuit, qua lectum tectus adivit,

Donec siccetur estusque sibi minuatur.

Post modicum surgit, sua calciamenta requirit.

*

Ff.2r

Sic pedat ad mensam, com(ed)e(n)s sede(at) super (ipsam.)

Non tamen in solio volu(it) residere supremo,

Sed subiective matr(i) dextrim, v(el)ut hospes,

Atque libens totum sibi permisit dominatum;

Hec quod ei dederat, reverenter suscipiebat.

15

Incidens panem turbam partitur in omnem,

Transmisit cuivis discum specialibus escis,

Cum vino pateram mittens, aliquando medonem.

Ruotlieb contribulis conviva fuit socialis,

Ex uno pane comedunt, uno quoque lance,

20

Ex uno cyato biberant communiter ambo.

Matri conviva solet esse monedula sola,

Cui pilulam mice cum dat, capit illa; superbe

Perspacians. mensam transversim transilit omnem.

Fercula post multa post pocula totque secuta

25

Tunc hera poscit aquam, camerarius attulit ill(am.)

Ad mensas quasque summo iubet hanc dare cuiq(ue.)

Posthinc pincerne passim potum tribuere.

Mensis amotis mensalibus atque plicatis

Leti consurgunt domine gratesque dederunt;

30

Dicunt gaudere, Ruotlieb sanum rediisse,

Quo consoletur matrem, ne plus tribuletur,

Primitus ut sepe, dolet illo cum caruisse.

Est divulgatum cito per totam regionem,

Ruotlieb venisse locupletatum sat abunde.

35

Dum sibi post placuit dum secretumque sibi fit,

Intrat conclave cum dilecta sibi matre,

Scutiferumque iubet, enthecam quo sibi ferret.

De qua multiplices extraxit opes preciosas

In chrusinis, in pelliciis, census et al"us,

40

Exul que denis nanciscebatur in an(n)is.

Post poscit peras, quas scutifer attulit amb(as.)

Extrahat ut panes, iubet hunc, factos aput Afro(s.)

Quos dum produxit, matri ioculanter is inquit:

«Hos deservivi, tenus hac, mater, ubi mansi.

Mf.27v

Hos mihi rex dederat m(odo frangere meque sinebat.»)

(Mater ait: «famulos nobis reor esse vocandos,)

Ff.2v

Quam bene sint sapidi, videant, panes africani.»

(Is dixit: «melius) puto, quo soli videamus.»

Educens cultrum, quo panem dissec(et) unum,

50

(Offendit) scutum lancis, sub quo fuit aurum.

Pollen ut abrasit iubar argentique reluxit,

(Clavis coniu)nctos cernens tria per loca lances,

Comminuens lima cito clavorum capitella,

(Dissolvens) lances videt aureolos ibi nummos

55

Tam strictim iunctos, quod suppingi nequit unus.

(Ruodlieb exult)at domino grates et agebat,

(Nec cunctan)s parilem manibus sustollere lancem,

(Abradens) pollen, clavos limando minutim,

(Invenit aurat)am vario censuque repletam.

60

(Ruodlieb ob)stupuit; nimium sua mater ovavit.

(Que gemitus e)dens, in mente sat ast hylarescens,

(Cum madidi)s oculis grates Christo dat in altis,