Gaudeamus igitur

1781

Versio Kindleben (1781)

Carmen originale (saec. XIII)

___________________________________________________

|: Gaudeamus igitur,

juvenes dum sumus; :|

post jocundam juventutem,

post molestam senectutem

|: nos habebit humus!:|

|: Ubi sunt qui ante nos

in mundo fuere? :|

Vadite ad superos,

transite ad inferos!

|: ubi jam fuere. :|

|:Vita nostra brevis est,

brevi finietur, :|

venit mors velociter,

rapit nos atrociter,

|: nemini parcetur, :|

|: Vivat academia,

vivant professores, :|

vivat membrum quodlibet,

vivant membra quaelibet,

|: semper sint in flore! :|

|: Vivant omnes virgines,

faciles, formosae, :|

vivant et mulieres,

tenerae, amabiles

|: bonae, laboriosae! :|

|: Vivat et respublica

et qui illam regit, :|

vivat nostra civitas,

maecenatum caritas,

|: quae nos hic protegit! :|

[|: Pereat tristitia,

pereant osores, :|

pereat diabolus,

quivis antiburschius,

|: atque irrisores! :|]

―――――

Carmen orginale fortasse est rhythmus

paenitentialis saeculi XIII:

[. . .]

II

Vita brevis, brevitas in brevi finietur;

mors venit velociter et neminem veretur;

omnia mors perimit et nulli miseretur.

Surge, surge, vigila, semper esto paratus!

[. . .]

IV

Ubi sunt, qui ante nos in hoc mundo

Venies ad tumulos, si eos vis videre:

Cineres et vermes sunt, carnes computruere.

Surge, surge, vigila, semper esto paratus!